交功課

 

昨日係哲學導論最後一堂，亦是交功課的日子，每個學生都要在堂上用最少十分鐘介紹自己作品的內容。原先好想快快排前講完就鬆晒，點知第一位同學講完之後，( 大部份人講人性思維或安樂死的爭議性題材，我就講迷你債券事件) ，咦！係咪選錯題？點算呢？

我將份功課反轉放在桌面，心裡想：不如我讓所有同學講完之後，最後輪到我時，話唔定已經夠鐘唔使講、交咗功課咪算囉，掂！..............

嘩！使唔使咁準呀，我真係拖到最後一個，過重有五分鐘就夠鐘，我逃不了，一定要講，( 時間唔夠、唔入題、更要盡快講完) ，真係淤爆  點解會咁白痴嘅！